بوجهة نظري نحنا عنا كتب مو بس منيحة ورائعة كمان وموجودة بالمكتبات بس بصراحة القارئ العربي كسول يعني بيحب الكتاب يجي لعندو مو هو يروح لعند الكتاب لذلك بتلاقي حاطط راسو بشاشة الكومبيوتر من بيتو احسنلو اما بالنسبة للمواضيع المطروحة بمواقع التواصل الاجتماعي هلق اغلبية المستخدمين لهل المواقع هنن الشريحة الشبابية و هي شريحة لا يستهان بها بس فرق الاجانب عننا انو الاجانب بيقرو كتب وبيتثقفو وبيستخدمو مواقع التواصل للترفيه ولعدد ساعات معينة باليوم او بالاسبوع اما شبابنا فللاسف عم يعتمد على المواقع هي للثقافة وبيفكر اذا صار عندو ايميل او حساب عالفيس بوك فهو شغلة علما انو الشخص برأي يقاس على هوا معرفتو وثقافتو مو على كم ايميل عندو او كم صديق ضايف على الفيس بوك بس معلش نحنا ما تاخرنا في مجال نرجع ننشر ثقافة الكتب وانا من منبري هاد بقترح نعمل نادي قراءة لوحدنا يعني هلق كل واحد يقترح اسم كتاب ممكن نقرأو وبالاخير منختار كتاب واحد نقرا فيه ونتناقش ليش لا