/7/أشياء لا يمكنك ذكرها في المقابلة الشخصية
تقوم بتحضير بذلتك و نسخ عن سيرتك الذاتية بكل اللغات التي تعرفها تحسباً لأي شئ.
وصلت مبكراً (ليس كثيراً)و وضعت جهازك الخليوي على الصامت . تحدثت بلطف مع موظفة الاستقبال إنك متأكد من أنك ستصبح معها من أعز الأصدقاء مع الأيام، و سرت بثقة نحو مقابلة العمل الذي تتوق للحصول عليه.
إياك و تضييع كل جهودك السابقة بقولك أياً مما يلي في مقابلتك:
"رئيسي السابق في العمل كان غير جدير بمنصبه"
مهما كان رئيسك أو مديرك السابق في العمل سيئاً، أو كم كنت سعيداً بالتحرر منه في عملك السابق،احتفظ بأفكارك لنفسك . ستبدو غير ناضج و سلبياً بتلك الطريقة. لا تتكلم بالسيئ عن أي كان حتى و لو كان مسجوناً . قد يحاول محاورك جرجرتك إلى ذلك فكن حذراً ، ممتناً و مهذباً
"نعم نعم و لا لا"
من المفضل أن لاتقدم إجابات محددة بنعم أو لا فقط، فالمقابلات هي فرصتك لإقناع موظفيك بنفسك و بأنك تمتلك المؤهلات المطلوبة للعمل
بالطبع فإن كثرة الكلام تعني كثرة الأخطاء لكن من الجيد التوسط في الأمور و استغلال كل الفرص المتاحة لإثبات نفسك و بأنك الأفضل للعمل
عند الحديث عن خبراتك و مؤهلاتك فإنه من المفيد التوسع في الشرح من دون الإطالة لأن المطلوب هو إيصال أفكارك و قدراتك إلى من تقابله.كن محدداً ، تواريخ ، أسماء و أمكنة ....
"دعني أقول لك مارأيي بالديانات و السياسة"
المقابلة الشخصية ليست مكاناً مناسباً للحديث في الديانة أو السياسة العالمية.لأن الحديث فيها غالياً ما يشعل فتيل النقاشات الحادة حتى بين أعز الأصدقاء ، تخيل ما يكون عليه الحال مع شخص غريب
"بالطبع أستطيع الوصول إلى الصين/ أعرف الاختلافات الكمية في السلوك المالي إضافة إلى كود الـ html
من غير المقبول المبالغة في خبراتك و نسب الأعمال لك دون حق ، إذا سئلت عن شيء ليست لديك خبرة فيه فكن جريئاً و صادقاً و أخبرهم بأنك ستبذل جهدك في تعلمه. إذا تظاهرت بمعرفة شيء لا تعرفه فإن فرصك ستكون قليلة بالاحتفاظ بعملك ولو بعد فترة من الحصول عليه فمن السهل هذه الأيام التحقق من أي شيئ
"عازمك الييوم على شي طيب، إلك مصلحة"
مهما كان النجاح الذي حققته في المقابلة ، أو مهما بلغ قدر إعجاب المقابل بك فهو ليس صديقك، العلاقة بينكما تبقى مهنية بحتة ، قاوم رغبتك في التعارف و الحديث في الأمور الشخصية .. يبقى مقابلك
هاها ها .. اها هاها
حسناً، شخص ما قام بالتنكيت و كانت مضحكة ، من الممكن أنه في سياق حياتك المهنية التقيت بمقابل صاحب روح نكتة ، يمكنك الضحك و الابتسام لكن لا"تمت " من الضحك . لا أحد يبدوا مهنياً و احترافياً بهذا الحال .ابتسم و خذ نفساً عميقاً و تذكر كم ستحزن إذا لم تحصل على العمل . هناك و قت و مكان لكل شيئ
"أقصد بأنني لست ممتازاً إلى ذلك الحد"
الان ، ليس وقت التواضع ، إنك هناك لتبيع نفسك ، أو ربما يجب أن تعرف بأن في داخلك منتجاً رائعاً . لاتكن متردداً في التسويق له
التعليقات
You\'ve hit the ball out the park! Incredlibe!
الآنسة oula13 المحترمة،
أنا مسؤول عن توظيف في شركة متوسطة الحجم حيث أنني أقوم بعرض فرص عمل بشكل دوري على الموقع منذ عدة سنوات، و قد قمنا بتوظيف العديد من الأشخاص عن طريقه و لوظائف مختلفة و لكن هل تعلمين أنه عندما نقوم بالاتصال بالمتقدمين فإن نسبة كبيرة منهم تقول:
- عفواً أي وظيفة ؟
- أي شركة؟
- أي موقع؟
- أنا تقدمت؟
- لا أعرف فأنا تقدمت إلى الكثير من الشركات؟
- ممكن تكون اختي تقدمت بدلي (ما بعرف)؟
و عندما ندعو أحد ما للمقابلة فإننا نكتشف أن متقدم إلى فرصة العمل:
- لا يعرف إلى إي منصب تقدم
- ما بيعرف شو هي شروط العمل المذكورة في الفرصة
- بنطلب أثنى بيتقدم ذكر
- بنكتب دوام كامل بيقولوا بدنا دوام صباحي
- بنكتب الراتب ضمن الفرصة بيقولوا ما عجبنا
- بنكتب فرصة العمل بالشام بيقولوا ماعندكون فرع بحمص؟
طيب ليش تقدموي أصلا و ما نك عرفانة على شو؟
لما حدا بددو يتقدم لازم يقرأ على الأقل المطلوب ، يعني يقرأ
مانا عم نتعذب بكتابة المواصفات و الشروط حتى ما حدا يقرها
و يا آنسة طالما رحت على مئات المقابلات فعلى مين الحق؟ على الشركات و لا عليك؟ أكيد لو شافوا فيك الشخص المناسب للعمل كانوا تمسكوا فيك و ما كانوا قالوا (صار عنا رقم تلفونك)، معقول مئات الشركات غلط و انت الصح؟؟؟؟
بصراحة ااحنا الشركات عنا بالشام احترت معهم شو نمط الموظفات يلي بدهم ياها
انا الي بالموقع اكترمن سنتين والكم تتخيلو كم مقابلة عملت بهي الفترة لدرجة انو صارت بالمقابلة بالنسبة إلي شي بيجرح لانو اكتشفت انو الشركاتت عندنا ماببيعرفو شي جوا السيرة الذاتية تبع الشخص ومارح يفتحوها الا وقت يجي اوتجي البنت تعمل المقابلة وهاد الشي بيتوقف على مظهرها الخارجي وبس وبس يعني بصراحة يلي عندهم مشكلة صحية مستحيل يلاقو شغل بهي الشركات الخاصة يلي بنلاقي اعلاناتهم هون بالموقع
مرة رحت مقابلة وبنفس الوقت المحترم صاحب الشغل عامل المقابلات كلها بنفس الوقت يعني رح نقعد على الددور لحتى نفوت ...شي اضرب من دكتور الاسنان ....المهم كانت كل مقابلة مع يلي قبلي شي 10 دقايق لربع ساعة وبس انا دخلت ههههههههههههههههههههههههه اخد معي الوقت بس دقيقتين لدرجة انو فعلا مالحقت اقعد بسرعة قمت ..... وعلى قولة رقمك عنا اذا صار شي معنا بنرجع نتصل فيكي.....(طبعا هي الحجة المتبعة عند كل الشركات) وهاد الموقف مكرر مع الكل بدون استثناء وهاد الشي مكرر معي كتير ....احسن شي الواحد يقول الحمد لله على كل شي ...........انا وصلت لمرحلة انو بدي اعمل سيرة ذاتية واكتب اخرها يلي بدو يوظفني يتصل فيني انا اكتفيت مقابلات لانو والله رحت لعند الكل ... فيلي بدو موظفات فعلا هو يتصل فينا ومن غير مقابلات خليه هو يتبع هي الاساليب يلي انتو بتنصحو فيها منشان ينول اعجابنا ولا لأ يعني نقلب الآية معلش مابيصير شي ......كرامتنا يلي عم تنهان وقت نروح لعندهم خليهم هم يجربو
مساء الخير فعلا يا أصحابي هل الحكي صحيح و مو يعني رأيكن غلط بالعكس كمان صح بس رح خبركن شي أنا موظفة بشركة توظيف يعني نحنا منأمن فرص عمل لخارج البلد و بتصير عنا بالشركة المقابلات و كتير من الأشخاص بينرفضو بعد المقابلة و الله و أنا بشوفون و بسمعون أنو أسباب الرفض بتكون راجعة للأسباب نفسها المذكورة بالمقال هلأ هي أكيد مو كل شي بس الها تأثير كبير
ميرسي كتير
بس رح احكي كلمة مختصرة للوضع عنا بالشام :
بدووون واسطة ما في شغل ولا نحلم بالشغل
الموضوع كتير مفيد تسلم إيديكون....
الموضوع كتير مفيد تسلم إيديكون
وايضا اكيد في غيرك افضل منك او قدر يقنع صاحب العمل بحالوا اكثر منك
في ناس ممكن تقنع الناس بها باكثر من امكانيتها بالعمل يعني مابيكفي تتقن عملك لازم تعرف كيف توصل للطرف الاخر انك متقن العمل وانك كفو
وبعدها هو اللي رح يختار ممكن مدير شخصيته ضعيفه يرفضك خايف على منصبو وياخذ شخص بلاطموح وبلا امكانيات عالية وهذا موجود اما الواسطه و بالقطاع الخاص مو مو معقولة وان وجدت لاتزعل عليها اكيد فاشلين جدا
يعني اللي ما عم يلاقي شغل بس لانكن عم تتجاهلوا مثل هذه النصائح
شكراً على النصائح ولكن برأي الواسطة هي الي بتنولك العمل
يسلمو كتير للموضوع يعني البعض بيشوفه سخيف
بس برأيي الشخصي كتير مفيد
أنا بطبق هالشي بمقابلات الشغل حرفيا و رغم هيك ما عم لاقي شغل أنا خريجة من 5 سنين لا سنة ولا تنيتين
بس برجع بقول تسلملي الواسطة عم اتشغل يلي بيفهم ويلي ما بيفهم بس الحمد لله أنا واسطتي الوحيدة رب العباد لذلك عم استنى فرج ربي علي
و الله يبعت الخير للجميع
للأسف الملاحظات التي تفضلتم بذكرها غير مفيدة في معظم الأحوال ، الأربعاء الماضي أجريت مقابلة عمل في احدى المجلات وطبقت جميع نصائحكم لكن دون نتيجة ، أخبروني بكل صراحة أنهم يريدون شخصاً يتمتع بمعارف من السياسين والممثلين وعدا عن ذلك فهم ليسوا بحاجة إلى أحد ، أحب أن أعرف رأيكم بهذه الظاهرة وشكراً
نحن هون وقت بدنا نشتغل كتير منتغلب .. مع انه عنا خبرة كافيه لأداء العمل.. بس منرجع لموضوع الواسطة و المحسوبيات و .. امور كتير لا يتسع المجال لذكرها.. حتى وقت يكون صاحب العمل بحاجة فعليه للموظف يلي عم يقابله.. بكون مستعد يخسره مقابل نفس ريشه و تطفيشه.. يعني انا شوبهمني ازا مديري قادر او مو قادر. بهمني اشتغل و كفا الله السيرة.. .. سلام
كلام جميل و مرتب و كل ما ذكر دوما محقق بمقابلاتي لكن للأسف تصورو ان الشخص أو الشركة التي اتصلت بي لإجراء المقابلة معي لا تعلم محتوى سيرتي الذتية, وعندما بدات اجراء المقابلة أكتشف انهم يبحثون عن اختصاص آخر.
المهم استطعت استخراج من فم المقابل اعجابا بامكاناتي بشكل كبير و من بعدها قلت له, للأسف يبدو انكم لم تقرأو سيرتي بدليل انها لا تضم كلمة واحدة من الإختصاص الذين تبحثون عنه, لقد أحرج وبعدها استأذنت وانصرفت والحسرات تتناثر لكن مع بدء صفحة أمل جديدة بفرصة عمل محترمة بالقريب العاجل.
الكلام لي انذكر مفيد و صحيح بالمقابلات الجدية... لكن للأسف معظم المقابلات مانك بحاجة لتنتبه لشو عم تحكي لانها شكلية فقط أو غير مهنية أبدا، بكل حياتي ما عملت غير مقابلة واحدة كانت فعلا مهنية و محترمة الباقي مع انه بشركات جدا محترمة بس أو موظف الموارد سيئ جدا و عم ينفش حاله ادامك ومو عرفان ولا بهمه ازا كنت مناسب أو لأ المهم تعطيه الأهمية وترضيله غروره أو المدير نفسه بكون عامل المقابلة بس ليقنع المتقدم انه القرار اله و انه ما بيعجبه العجب و بتكون المقابلة عبارة عن تكسير معنويات وتقليل اهمية كرمال ما يعطوك راتب محترم....شي فعلا بخجل و بزعل .
إرضاء الناس غاية لاتدرك
مشكورين على كل حال
موضوع رائع جدا .... ونحن ضمن سياق حياتنا العملية منحتاج لهيك نصائح ومشكورين جدا
هلق إذا بتريدوا ياريت تناقشوا موضوع كتابة السيرة الذاتية لأنو هاد مجالو كبير كتيرو مشكورين على هالزاوية الجديدة
للامنسف يمكن قلائل من سيعلمون الفائدة من ذلك لان معظم الاداريين والمسؤولين عن الموارد البشرية يجهلون معنى هذه الكلمة ومدى اهميتها لاي عمل اقتصادي ولا زالو عندنا في سوريا يخلطون بين الموارد البشرية وشؤون الموظفين ويعتبرون ان هذه كتلك
للأسف الشديد هاد الكلام نظري و ما بيمشي عننا بسوريا ..يمكن لانو الناس تعودت انو تسأل معارفها إزا كانو عبيدوروا على حدا يشتغل معن
مهما كان راينا بتلك الافكار وعدم الاخذ بها في بلدنا لكنها تبقى افكرا لطيفه يستأنس بها الى حين اقتناع الادارات بها مستقبلا .
اي صار لي 3 اشهر بسوريا وانا جاي من المملكة العربية لبسعودية منشان استقر ببلدي وبعرف كل هي المعلومات يلي قلتوهن فوق مع الشكر لكم طبعا وهذا مكان كافي بريك انه احكي يلي بقلبي .... لك وين الشغل ,,, يا ناس خبرة 11 سنة بالمحاسبة الملية والادارة المالية والتخطيط المالي والرقابة والمراجعة وشهادة مستشار مالي CFC والله مقابلات دون اي فائدة بس الى من اشكو همي....... اسف وبعتذر بس لازم فضفض
غياث مغربي 0941715753
ليست قاعدة وإنما كلام نظري,,,,,,,,,لأن سوق العمل السورية منفردة عالمياً بخصائصها وطريقة التعامل بها
طبعاً واثق خيو لأنو في كتير شركات بروفيشونال ، مو كل أصابعك متل بعضا
بعد إذنكم عجبني المقال فحطيتو هون
http://www.karam89.com/topics/view.php?id=160
طبعاً حطيت المصدر بآخر المقال :)
هل أنت واثق من أنه بالإمكان استخدام هذه النصائح بسوق العمل السورية..... ؟؟؟؟؟
في الواقع عدد الشركان التي من الممكن استخدام هذه النصائح بها لا يتعدى الـ 5% من سوق العمل السورية لأن الـ 95% المتبقية تعتمد على الرشاوي والمحسوبيات والوسايط وما إلى غير ذلك....
أحسن شي (الله يجيرنا)
إيه ها كترولنا من هدول المواضيع المفيدة ... الله يعطيكون العافية